MAI..

Tooti masjid ke saamne khada tha
Andheri galiyo me khud ko khoj rha tha mai

Shivalay ke ghanto ki goonj ab bhi thi mere kano me
Shabd ko arth se alag hota dekh rha tha mai

Khoj rha tha khud ko us andhere me
Raat ko din se alag hota dekh rha tha mai

Zindgi ke palte hue panno ko dekh chhuka tha
Ab zindgi ko maut se sauda karte dekh rha tha mai

Kismat ne aise mod pe lakar chod diya tha mujhe
Ki ek machware ko pyasa marta dekh rha tha mai

Insaniyat ne kabka sachai se muh mod liya tha
Bin pani ke khud ko dubta dekh rha tha mai