KYO....

Kisi ki fitrat kisi ki aadat kyo ban jati hai

Muskurahat kabhi kabhi anshuo me kyu chup jati hai

Ye to pyar ki afsane hia diwana hi janta hia

Pyar ki uljhi paheli ko parwana hi janta hai

Kaise ek surat se kisiki zindgi badal jati hai

Kisi ki fitrat kisi ki aadat kyo ban jati hai

Muskurahat kabhi kabhi anshuo me kyu chup jati hai

Kisi ki tehzeeb kisi ki takdeer ban jati hai

Kisi ke jane ke baad sirf yaade kyu reh jati hai

Yaade bhi aisi jo bin aanshu rulati hai

Kisi ki fitrat kisi ki aadat kyo ban jati hai

Muskurahat kabhi kabhi anshuo me kyu chup jati hai

Kisi ki bandhishe kisi aur kyo tadpati hai

Anshu kisi ke to ankhe kisi aur ki kyo hoti hai

Kyo pyaar ki har dastan adhuri reh jati hai

Kisi ki fitrat kisi ki aadat kyo ban jati hai

Muskurahat kabhi kabhi anshuo me kyu chup jati hai

Kisi ki lakeere kisi aur ka kal ban jati hai
Kyo ek diwane ke dukho ki lakeer lambi banyi jati hai

Kyo pyar me do jismo ki parchai bhi ek ho jati hia

Kisi ki fitrat kisi ki aadat kyo ban jati hai

Muskurahat kabhi kabhi anshuo me kyu chup jati hai

Khushiyo se bahri zindgi me kyo tanhai cha jati hai

Haste hue chehro pe ashko ki baris ho jati hai

Pyar me to ashko me bhi unki tasveer dikhayi deti hai

Kisi ki fitrat kisi ki aadat kyo ban jati hai

Muskurahat kabhi kabhi anshuo me kyo chup jati hai

MAI..

Tooti masjid ke saamne khada tha
Andheri galiyo me khud ko khoj rha tha mai

Shivalay ke ghanto ki goonj ab bhi thi mere kano me
Shabd ko arth se alag hota dekh rha tha mai

Khoj rha tha khud ko us andhere me
Raat ko din se alag hota dekh rha tha mai

Zindgi ke palte hue panno ko dekh chhuka tha
Ab zindgi ko maut se sauda karte dekh rha tha mai

Kismat ne aise mod pe lakar chod diya tha mujhe
Ki ek machware ko pyasa marta dekh rha tha mai

Insaniyat ne kabka sachai se muh mod liya tha
Bin pani ke khud ko dubta dekh rha tha mai

walking alone

Mai aksar apni parchai se baat karta hu
Apne saaye me khud ko talash karta hu
kho gaya hai wajood mera kahin mujhme
hotho se dil ki baat bayan karta hu
Mai aksar apni parchai se baat karta hu
Apne saaye me khud ko talash karta hu
mera ateet tha tanhaiyo se bhara hua
mera kal hai mere aaj se dara hua
mai wo sakhs hu jo khud se bewafai karta hu
Mai aksar apni parchai se baat karta hu
Apne saaye me khud ko talash karta hu
meri zindgi ka har kagaj kora hi reh gaya
har sapna tash ke patto sa deh gaya
har subah aayine me khud ko talash karta hu
Mai aksar apni parchai se baat karta hu
Apne saaye me khud ko talash karta hu
meri zindgi ka har pal khushiyo ka mohtaj tha
auro ki chodo apno ka hi badla hua andaj tha
aaj mai sare bazar me khushiya neelam karta hu
Mai aksar apni parchai se baat karta hu
Apne saaye me khud ko talash karta hu
kho gaya saya mera kahin in andheri raho me
so gayi hia raat kahin chandni ki baho me
aaj mai wo hu jo taro ki numaish karta hu
Mai aksar apni parchai se baat karta hu
Apne saaye me khud ko talash karta hu

WO.....

Wo wahin kahin mere aas pass dikh rhi thi
Meri zindgi khud mujhpe kitab likh rhi thi
suraj badlo se atkheliyan khel rha tha
kinara lagatar lahro ki maar jhel rha tha
zindgi khud zindgi se ladna sikha rhi thi....
Wo wahin kahin mere aas pass dikh rhi thi
Meri zindgi khud mujhpe kitab likh rhi thi//1//
gumsum si khamoshi bahut kuch keh rhi thi
hawao ki narazgi ret chupchap seh rhi thi
saam samay ke sath sath beh rhi thi....
Wo wahin kahin mere aas pass dikh rhi thi
Meri zindgi khud mujhpe kitab likh rhi thi//2//
sahilo pe jhoomti kasti me mai sawar tha
ek pal me zindgi jeene ko bekrar tha
saam khud ek naya itihas likh rhi thi....
Wo wahin kahin mere aas pass dikh rhi thi
Meri zindgi khud mujhpe kitab likh rhi thi//3//
armano se bana ret ka gahr ek pal me toot jata tha
ek jhoke se lahro aur kinaro ka sath choot jata tha
dil ki kalam khud ye poem likh rhi thi....
Wo wahin kahin mere aas pass dikh rhi thi
Meri zindgi khud mujhpe kitab likh rhi thi//4//

ENDLESS DREAM..

Taro ke aanchal me chupkar wo raat suhani aayi thi..
Ek arse ke baad phir mausam ne li angrai thi..

Sard raat ki hawaon me tha patta patta jhoom rha,
Jheengur ki mast pukaro se tha mahoul sara gunj rha
Thi bijliyan kark rhi barish ne guhar lagayi thi.....
Taro ke aanchal me chupkar wo raat suhani aayi thi..
Ek arse ke baad phir mausam ne li angrai thi..

Paas hi ek ped ke neeche ek ladki thi kaap rhi
Mausam ke andaj ko shayad wo thi bhap rhi
Kismat ne hame milane ko jane kya chal chalayi thi....
Taro ke aanchal me chupkar wo raat suhani aayi thi..
Ek arse ke baad phir mausam ne li angrai thi..

Baris ki kuch bunde thi uske chehre se tapak rhi
Chand bhi sarma jaye wo khubsurti thi jhalak rhi
Khuda ne use banane me koi kami nahi dikhayi thi....
Taro ke aanchal me chupkar wo raat suhani aayi thi..
Ek arse ke baad phir mausam ne li angrai thi..

Mausam ki pehli baris me wo pehli mulakat thi
Hoth to bas chup rhe aankho -aankho me baat hui
Kaise bhool jau wo pal jab wo muskurai thi.....
Taro ke aanchal me chupkar wo raat suhani aayi thi..
Ek arse ke baad phir mausam ne li angrai thi..

Naam pata poochkar usko gahr tak chod diya
Ek balti pani daal ma ne sapna tod diya
Ab intzaar hai uska jo mere khawab me aayi thi.....
Taro ke aanchal me chupkar wo raat suhani aayi thi..

Ek arse ke baad phir mausam ne li angrai thi..
"ujji"


guys this is the first poem i wrote when i was in school and was just used to dream abt my future love lol